Pintig at Pantig

Iniisip ko kung ipo-post ko pa ba ito o hindi na. Mejo matagal na din kasi naganap  yung event. Last school year, sumali ako sa isang competition sa school. 

Isang event na inorganized ng  "The Mountain Collegian" The official student publication of Benguet State University.

PINTIG AT PANTIG

na may temang:  

"UTAK BERDE: Ang luntiang naghihikahos, tao rin ang tutubos. Panitik at Pangkulay mo'y ikuskos; Guhit ng mga kulay ay gawing ilaw ng pagbabagong lubos."

sa kompetisyiong ito may limang kategorya:

• Short Story writing - English and Filipino
• Poetry Writing- English and Filipino
• Essay Writing- English and Filipino
• Photogrpahy- English and Filipino
• Literary Graphics 

 Literary Graphics lang sana ang sasalihan ko.... pero sige bakit hindi ko subukan ang essay contest. Sumali ako sa dalawang event Literary Graphics at Essay Writing contest -Filipino.

Maraming beses na ako sumali sa mga pakontest ng drawing, madalas hindi nagwawagi. Pero ayos lang sakin, kompetitisyon lang naman....  pero ang nakakaloka! ay 'yang essay contest na 'yan! HAHAHA! first time ko kasi sasali sa essay contest sa tanan ng buhay ko, pramiz!!!

Hindi talaga ako makapag-isip ng isusulat ko, nagsimula na ang kompetisyon at tila blanko pa din. Kung ano na lamang ang isinulat ko... hay, sabi ko bahala na! hehe.. Ang title ng blog ko ang ginawa kong title sa contest. OHA! hehe. Ito ang isinulat ko, bagamat simple at maiksi lamang....

PAGGUHIT NG  MGA SALITA

Hangad ng ating kapaligiran ang pangangalaga. Sa pamamaraan ba ng pagsusulat, ito kaya'y magagagwa? Sa puso ni Juan de la Cruz ito kaya'y may halaga?

Sabi ng marami, ang pagbabago ay nagsisimula sa ating mga sarili. Oo nga't tayo ang simula, ngunit ito ba'y ating isinasagawa? Kung hindi natin sisimulan, kailan pa? Sino ang gagawa nito para sa atin? Tayo mismo ang pagbabago. Kaawa-awang Inang Kalikasan, hihintayin pa ba natin na may mangyari bago tayo kumilos?

Ating imulat ang mga matang pilit pinipikit. Ang bagyo, baha, at papalit-palit na panahon ay ilan lamang sa mga matindin nating nararanasan at patuloy na mararanasan kung patuloy tayong magbubulag-bulagan. Ating buksan ang ating kaisipan, hindi ba't nakakabahala? Huwag nating hayaang lunurin tayo ng ating pansariling pagnanais, tayo's makiisa sa adbokasiya na nagsusulong pangalagaan ang ating kapaligiran. Tama na ang katamaran, huwag magkanya-kanya, ang kailangan ay pagkakaisa.

Sa bawat pagguhit ng mga salita, hindi ito pagpapansin ng walang magawa at ito'y hindi usaping walang kwenta. Layon nitong tayo ay gisingin sa katotohanan. 

Kaya naman ang usaping pangkapaligiran ay dapat pahalagahan. simulan na nating kumilos, hindi lamang sa salita, sa pagsulat, at sa pagpapahayag kundi pati sa gawa. Kay ganda ni Inang Kalikasan, ito'y pakaingatan. Ang mundo ay nasa ating mga kamay.

RESULTA:

Hindi ko inasahan na mananalo ako! 

Unang pwesto sa literary graphics at unang pwesto sa essay writing contest- filipino. Gisingin niyo ako at mukhang nananaginip lamang ako! hehehe. Hindi ako makapinawala. As in. Madalas kasi hindi ako nagwawagi, pero sa pagkakataong ito doble doble ang panalo. Wow! Pasensiya na wala akong photo nung sa literary contest.

Ang mga winning entries ng kompetisiyon na 'yan ay nai-pulish sa KALALAENG -literary folio ng BSU.